أنا من بعد ما شوفت عينك
ولمست فى مرة أيدك
وطيف شعرك لامس خدى
وكان فى اليوم ده عيدى وعيدك
خلينى مرة أحكى و أقولك
أنا يوم ما بروحى أنا شوفتك
بقلبى وروحى وعقلى أنا دايب
وبهلوس على كلمة حبك
وروحت لمليون والف طبيب
قالى هاتموت عاشق و حبيب
ولا ليك علاج هاينفع يعالجك
الا فى قلب بيحبك يالبيب
وفى اللحظة اللى بأيدى فى حضنتك
وشفايفى لما لامست فى شفايفك
أقسمت على عهدى ليكى ومعاكى
هاعيش العمرعلى طول انا جنبك
ومهما كان فى الدنيا حاجات
ولا فى يوم هاتغرينى بنات
ملامحك ديما هاتحرس وتراقب
ولا يمكن أسبب ليك اى الآهات
أنتى فاكرة اليوم اللى بينا و كان
اللى جمع قلوبنا وفى كل مكان
أنا فاكره زى النهاردة
كأن الزمان هو الزمان
تسمحيلى وأنا بعترفلك
وأعترف لنفسى قبل منك
أنى عاشق تراب جمالك
وياريتنى أكون النهارد فى حضنك
أسكر من الخمراللى فى حبك
وأستنشق أنفاس بتحبك
يا عطر معطر فى حياتى
من قبل ما تسمحيلى أقولك
.......................................
بقلم / محمد لبيب مصيلحى
اليوم / 20/10/2017
0 التعليقات:
إرسال تعليق